Ky është Elidon Mehmeti, 39 - vjeçari i cili një natë më parë u ekzekutua për vdekje në qytetin e Vlorës.<br /><br />Ngjarja e rëndë ndodhi gjatë orëve të vona të mbrëmjes, në lagjen "Pavarësia".<br /><br />39 - vjeçari Mehmeti ndodhej në automjetin e tij, kur u ekzekutua për vdekje nga persona ende të pa identifikuar.<br /><br />Mbi 20 plumba mësohet se u zbrazën në drejtim të viktimë, shenjat e të cilëve dalloheshin qartë në derën e makinës së tij.<br /><br />Mëngjesin e sotëm, policia ka gjetur të djegur automjetin me të cilin dyshohet se udhëtonin autorët e kësaj ngjarjeje të rëndë. Makina e tipit BMW është gjetur e në flakë në anë të rrugës, në Feras të Fierit.<br /><br />Gjatë orëve të natës janë shoqëruar disa persona, që sipas policisë mund të kenë dijeni për krimin. Mehmeti për policinë ishte në listën e personave të dyshimtë, për trafiqe të paligjshme. Ai mësohet se është marrë me skafe dhe kjo është një prej pistave kryesore ku po hetohet. <br /><br />Ekzekutorët e 39 - vjeçarit dyshohet të jenë vrasës me pagesë./tvklan.al
